Od Bura ma kisumu okalo chik mar chiwo kembe niang’ ne ji giwegi.

Written by on March 21, 2018

Moko kuom puothe niang’ thurkae.
PHOTO/COURTESY

By Jowi Raymond.

Od Bura ni ma kisumu gikone to okalo chik ma  biro miyo tend kaunti ma kisumu teko mar  chiwo kembe duto mag rego niang’ ne jopur giwegi kowuok e lwet sirkal mamalo.

Twak onogo ne opedh e od bura gi Migosi Victor Rodgers e loo jatend kweth mang’eny e od bura onogo Migosi Keneth Onyango ma gikone to ne okadh kaka chik bang’ yudo sir kowuok kuom jo od bura buora.

Kane oloso e kinde pedho twagno, Migosi Victor Rodgers ne olero ni keto tend kembegi e lwet ji giwegi biro chiwo thuologo mag yuto japur kaachiel kod  medo tije ne ojende mawuok e gwenge ma pith niang’ time maber mokalo kaka  Chemelil, Muhoroni,Miwani, Kibos e kind gwenge mamoko.

Mae koro dhi miyo teko tend kaunti teko mar donjore gi weche tend kembegi e neno ni ober ngima jopur niang’ ma osebedo gi midhiero kuom kinde ma rarieya.

Chik ni koro idhi ten kendo mii teko koluwore gi pend chik matayo pur mag niang’ (Sugar Act Section 30) ma yango ni e kinde uso mag kembe ogogo, japur biro bedo gi teko mar tayo mwandu kambi onogo maromo ataamalo 51.

 


Reader's opinions

Leave a Reply

Your email address will not be published. Required fields are marked *


SKY 106.1 FM

Mil Polo

Current track
TITLE
ARTIST