Doho oketho chike mag yiero maneoloki kod joute bura mag Jubilee
Written by Jared Oketch on April 7, 2018
Jangad bura Chacha Mwita.Photo Coutersy
Doho mapachokae giko tokoro oketho chike maneoloki mane chiwo thuolo ne Jalup jakom mar duol matayo weche yiero e pachoka kae ni onyalo timo tije moluwore kod jakom owuon.
Jangad bura Chacha Mwita nyoketho chikego kowachoni neok olokgi kod paro mowinjore,kane olokgi ataro mar chik.Owachoni chikego oknyal tiyo pachokae kaneotingo chiwo thuolo ne jalup jakom ni nyalo chiwo nyaka duoko mag yiero mar kermting ma owene mana jakom owuon.
Bende moko kuom chike mane oketho otingo mano mane duoko chien kwan jokanyo mag duolno maowinjore obed seche magitimo tijgi,lingo ombulu kod chiwo duoko e lony machon kod rapim mar ketho yiero mar ker.
Joute bura mag Jubilee higa mokalo ne otimo lokruogego bang doho maduong ne rucho oko yiero mar ker kane ofwenyoreni neok otime kotenore kod chike moyangi.