ger kambi loso rech kisumo

Written by on October 9, 2018

Jood bura ma Kisumu.
Photo Courtesy.

By Jowi Raymond.

Kaunti ma Kisumu kokalo kuom od bura margi koro dwaro mondo okenge mong’ith keti e chiero kendo gero kambi ma biro loso rech e chumy boma ma Kisumo.

Mae ne jotim kokalo kuom twak mane opedh e od burano koda ma en MCA  ma South west Kisumu Migosi Erick Agolla ma dwaro mondo tend kauntino ger kambi ma kamano ma biro neno ni rech ma imako Kisumo ok odhi olos e kaunti ma oko ma bende onge kata nam.

 

Kane osiro twagno e od bura ma en MCA ma West Nyakach Migosi George Oluoch ne onyiso od burano ni nitiere kambi loso rech mane josecchaki e gwenge ma Sango higni mokalo chien ka okwayo mondo masinde mane joket mwandu oguro e gwengego ma Sango kik we dhi nono ni mar ginyalo konyo e chenro mar gero kambi mar loso rech ponono ni tend kaunti ma Kisumo opuodho chenrono.

 

Korka kore ma en jatend kweth mathoth e od burano Migosi Kenneth Onyango ne jokwayo Migao mar weche ola e kauntino mondo omed yao thuolo buora ne joket mwandu ka opuoyo ahinya okang’ mar nyayo kwe mane okel tok mosruok e kind ogai mar NASA Moluor Oding to koda ker Kenyatta ma owacho ni osebero lwasi mar oala e chuny boma ma Kisumu ma yande ne joket mawndu oluoro time oendnigi kaluwore gi tulo ma yande jamuoch tok yiero.

 


Reader's opinions
  1. Eric Agot   On   November 23, 2018 at 3:24 am

    I would like to know if there is a different name or term for “fish bones”. Do you call it “chogo or choke mar rech” or is there a different term. I thought there is a term but I have forgotten it since I have lived in Germany now for the past 39 years.

Leave a Reply

Your email address will not be published. Required fields are marked *


SKY 106.1 FM

Mil Polo

Current track
TITLE
ARTIST