Yedhe medo teko ekind jong’wech mag Kenya medomana medore, kum bende koro liet ka pas

Written by on October 11, 2018

Photo courtesy.

Samuel Kalalei.

Jang’wech mathiringinyi mar piny Kenya manyinge Samuel Kalalei oyudo kum mar higni ang’wen tok rem epim mabende noyudo ni osebedo kotiyo gi yedhe mag medo teko kinde duto mag ng’wech.

Yadhonogo mamedo teko oyangi kaka erythropoietin (EPO) kendo en yath manyalo miyo jang’wech nyinyore ka sitima tok tiyo kode, katobedo ni en ataro mar chik. Kalalei norem epim mar yath katobedo ni nowuoke ethwolo mar abirio eng’weyego mag kinda mag Rotterdam Marathon dwemar ang’wen higani. Jang’wechno osebedo kachomo kum chakre dwemar auchiel, kakoro nyakasani ene jakenya maradek yudo kum kalure gi wechego mag tiyo gi yedhe mag medo teko, eseche ma achije mamoko ang’wen podi buchegi dhio nyime.

Kum makamaa biro mana jumbe ariyo kende tok dwol makedo gi wechego mag tiyo gi yedhe medo teko epiny mangima kata World Anti-Doping Agency (WADA), yande oyango piny Kenya kaka pinyno manikod wechego mag yedhe medo teko ekind jong’wech e okang’ mamalo.

Photo Courtesy.

Jemima Sumgong

Kochakore ehiga mar 2004, jong’wech mag piny Kenya maromo 128 oseyudi  gi wechego mag tiyo gi yedhe medo teko. Moko kuomgi oting’o sulwe mar piny mangima eng’weyego mag kinda nyadendi Jemima Sumgong, kaachiel kod maneen sulwe mar ng’weyego mag mita 1,500 kendo jaloch jadidek mar mula e piny mangima Asbel Kiprop, manoyudi gi ketho mag tiyo gi yedhego e higa mokalo.

Wach malich en ni nyakasani jong’wech mag Kenya 18 nikod bura mopogore opogore mitudo gi weche mag tiyo gi yedhe medo teko.


Reader's opinions

Leave a Reply

Your email address will not be published. Required fields are marked *


SKY 106.1 FM

Mil Polo

Current track
TITLE
ARTIST