Ringe jago moro majahigni 33 oyude pwodho moro ei Homabay, mana ndalo machuok tok jalmoro bende kawo ngimane owuon yoo Homa Bay kono

Written by on October 17, 2018

Photo courtesy

 

Joneno oyuoro ebungu

 

By Odalo Fred

Obila eboma ma Homabay dhinyime gi timo nonro ewi thoo mar jago moro majahigni 33, ma ringre mare noyud kojwang’i e pwodho moro mayudore Homabay County.

Mosenindo mabende oyangi kaka Bonface Odhul Otieno, oyudi ringre mare kowiti e pwodho moro mayudore Kalanya Kanyango, mana kilomitas 10 kende kowuoke boma ma Homa Bay.

Kanoyango masira makamaa, kamanda mar obila e county ma Homa Bay migosi Marius Tum, oleroni ringre mar jagono oyudi kaonge alama kata hinyruok moramora, kendo gige duto kamoting’o nyaka mwandune noyud mana ebathe kanyo. Tum bende ogolo kwayo ne ng’atang’ata manyalobendo gi ler moramora ewi thoo mar jagono, mondo owuog oko kendo okony obila timo norno.

Bende ochako medo ni nyakasani, obila makono osechako timo nonro mar yango gimanedikel thoo mar mosenindo Bonface. Kamandanogo mar obila katakamano ohum nono kowacho ni county ma Homa Bay gi ekindeni osebedo kawito rawere mathoth eyore mokler, kakoro okwayo jodongo mag Luo kata Luo Council of Elders kaachiel kod tend kanise duto makono mondo odonjie wachno mar neno ni wechego mag nek ochung chutho yokono.

Ringre mosenindo osetere kar kano ringre mar Homa Bay County Teaching and Referral Hospital Mortuary sama irito time bero.

Wach thoo makamaa biromana ndalo machuok kende tok ringre mar jago moro machielo majahigni 31 bende yande oyudi koliero e yien kawachore ni nokawo ngimane owuon kalure gi gowi mar omenda modhuro ma jal moro nosebedo kabandhe eboma ma Homa Bay.

Jago manodwogokao ngimaneno mabende oyangi kaka Samuel Okinyi, yande tiyo tij thedho chuma kata welding. Maling’ling’ makende yangoni mteja kata janyiepo moro nomiye Ksh52,000 mondo olosne rangach (gates) ariyo, to katakamano neokotiyo gi omendano eyoo makare, wach manomiyo mtejano tere e tesend obila.


Reader's opinions

Leave a Reply

Your email address will not be published. Required fields are marked *


SKY 106.1 FM

Mil Polo

Current track
TITLE
ARTIST