Jarit kwe e od bura ma Kisumu ne ochuno mar muojo magina temo keyo kweth MCAs mane dwaro rakore kode.

Written by on October 23, 2018

Jarit kwe e od bura ma Kisumu ne ochuno mar muojo magina temo keyo kweth MCAs mane dwaro rakore kode.

By Jowi Raymond.

Tulo mapek tweta ne jomuoch e od bura ma Kisumu e kinde ma bende koro od burano oterie yueyo machuok mayuak nitie ni otim e tok chik.

Spika ma ne otayi weche twak Migosi Steve Agola wachore ni ne jorocho mokalo chike matayo weche twak e kinde mane otieko twak ka ogolo chik mar od burano dhi e yueyo mochuno ma bende ong’ere gi dho omombo ni Adjournment nyaka odiochieng’ mar tich 4.

Tok loro chenro mag twak apoya MCAs ne owuok ka kwedo okang’ onogo e kinde ma MCA  ma Nyalenda B Migosi Seth Olale ne jogweyo kendo loko ataro kombe koda mesa ma g od burano, tim mane omiyo jorit od bura (Sergent at arm) luongo obila marito sitend obila ma Central mar biro ndhiyo jotelo mane owacho ni ne ni koda paro mar ketho mwandu mag od burano.

Kapok oluongo romo moyiedhi (Kamkunji) e temo rango mathoth e wi lor mar od bura, jatend kweth mathoth Migosi Kenneth Onyango ne jokwedo mokalo tim mar tero od burano e yueyo ka oseyo mokalo spika mar od burano Migosi Onyango Oloo ma owacho ni osebedo ka ng’iko okenge mabeyo ma MCAs go oseketo e dwaro margi mar twak e moko kuom chike kata bills moko mochuno.

Olero moko kuom chike ma oseikore kendo owinjore gitwage e chopo kare manifesto mar tend gavana ma Kisumu Ngire Peter Anyang’ Nuong’o

Okwayo tend duond buch ODM kaachiel koda sirikand kaunti ma Kisumu mondo oyie odonjre wachno kendo timo thek wira ni spika Onyango Oloo koro nenore ni tayo cchenro mag od burano ataro mar dwach MCAs go.

Wechegegi bende ne osir koda nyawadgi ma North West Ward Migosi Elisha Oraro.

E kinde mane jo od bura go dhi nyime gi aput margi mar Kamkunji, weche ne joduogo okethore ka rakruok mapek oduogo muoch e kind jorit mag od burano, obila ma  owuok e sitend obila ma Central kaachiel kod MCAs go tok obila go temo donjo koda ng’enge e od bura mar dhiyo MCAs mane odonjnegi kuom temo ketho mwa ndu mag od bura.

Weche ne omuoch ka jarit od bura (Sergent at arm) ma oyang nyinge kaka Amayo ne jogolo magina kendo goyo e kor lwasi mar keyo jo od bura mane ni kod mirima mager ka dwaro rodhe nyamin anega.

Ne ochuno obila mondo rese ka ne ogole achiel kachiel kendo chwale nyaka e sitend obila ma Central dhi ndiko dhoge.

Juma mokalo od burano kokalo kuom jatend kweth mathoth e od burano Migosi Keneth Onyango ne owito oko twak mane chano miyo yueyo od burano yueyo machuok e chiwo thuolo ne MCAs dhi yuoro e romo mar ndalo 4, aput mar duol ma kelo kanyakla kauntis 14 ma obatisi ni Lake Region Economic Block ma dhi nyime e kaunti ma Bomet gi e thuoloni.

Tulo ma kamaa muoch kendo e kidieny machielo kata odoko ni ogai mar NASA kendo jatend duomd buch ODM Moluor Raila Amollo Odinga  e kinde nyasi mar iko mar jaduong’ Aketch Chieng’ e kaunti ma Homabay ne jokwedo mokalo MCAs e kaunti ma kaluo koda ma okiepo kode kuom siko nyayo tulo kar chwalo weche twak koda dongruok e ute buchegi.

Nyaka e kinde mane wadhi e yamo okenge mag mesawa mar fuambo temo winjo kowuok kuom spika ma Kisumu kaluwore gi seech ma iseyegodo koda MCAs ma Kisumo ne ok onyuolo olemo.


Reader's opinions

Leave a Reply

Your email address will not be published. Required fields are marked *


Continue reading

SKY 106.1 FM

Mil Polo

Current track
TITLE
ARTIST