Masira mar apaya onego ji 2 Sagana

Written by on November 2, 2018

Photo courtesy
Matatu accident

Gi Odalo Fred

Ji 2 owito ngimagi e masira makoch mar apaya monywako nyamburko aina mar Prado kod Matatu, machiegni gi daraja ma Sagana ei Kirinyaga County.

Jomamoko 4 bende oyudo hinyruok mopogore opogore ekinde masirano kamabende nyamburko ariyogo oromo wich gi wich mana mitas machuok kowuok e chiro ma Makutano.

Kalure gi OCPD ma Sagana migosi Joseph Matiku, ji ariyogo owito ngimagi kanyo kanyo, kakoro jogo moyudo hinyruok otere od thieth ma White Rose Hospital mayudore Wanguru.

Omedoni matatu no nong’ielpore nyadibuora ekinde ma masirano otimore, kabende okwayo derepe duto mondo obed akicha ekinde magiriembo kalure gi koth masani chwee e gwenge mopogore opogore thurkaa.

 


Reader's opinions

Leave a Reply

Your email address will not be published. Required fields are marked *


SKY 106.1 FM

Mil Polo

Current track
TITLE
ARTIST