OD BURA MAR KISUMU OPUODHO BILL MA KENDO TENGE OMENDA MAR KEDO KODA MIDHIERNI MA APOYA

Written by on November 7, 2018

OD BURA MA KISUMU E KINDE TWAK. PHOTO COURTESY.

BY JOWI RAYMOND.

Kwayo mar tiyo e twech achiel kaachiel koda luuruok gi chike matayo od bura ma Kisumu koroni to imed gol ne MCAs duto e kauntino.
Magi kaluwore gi okang’ mane oku koda ogai mar NASA moluor Raila Odinga e chuoyo aput mar kel thek e kind MCAs go to koda tend od burano kotelnegi koda spika margi moluor Onyango Oloo, jatend kweth mathoth Migosi Kenneth Onyango kaachiel koda ma en jagoo oporo Migosi Gad Olima.
Kane ogolo kwayo makamano Migosi Erick Agola mabende en achiel kuom kweth aput mar jokony spika e yor kojolo ne jokwayo MCAs wetene mondo ka joyie to olure gi mise mar nyayo kwe ma osechaki koda ogai margi moluor Odinga e bwo tend apisi mar jatend kweth mathoth m,abende ema ne omii chik mar tayo chenrono ka gikonyore kod apisi spika.

Magi timore mana e kinde ma koro chenro mag twak ne josechako duogo ayanga ka bende gikone to od burano ma Kisumu ne jopuodho chik madhi yie ne Migao mar omenda kokalo kuom budget matayo kaunti ma Kisumu ma bend ong’ere gi dho omombo ni Emergency Fund Bill ma en omenda ma ibiro tii godo e kedo koda midhierni ma apoya kaka mach, pii mayuero oganda e kinde koth mapek e kind midhierni mamoko.
Mae twak mane opedh e od bura koda jakom mar budget Migosi Steve Owiti ma bende enie MCA no ma Kolwa East.


Reader's opinions

Leave a Reply

Your email address will not be published. Required fields are marked *


SKY 106.1 FM

Mil Polo

Current track
TITLE
ARTIST