Oganda okwa mar ikore rwako ker e aluora ni mar Nyanza..

Written by on December 3, 2018

Ker mathurka migosi Uhuru Kenyatta.
Photo Courtesy.

Jotelo mawuok kaluo ka nyoro okwayo oganda mar ikore rwako ker Uhuru Kenyatta e Luo Nyanza kaa sama obiro timo limbe ne mar yawo chenro mag dongruok e yore mag apaya,pii to kod mag ngima oganda.

Kane giwuoyo e wachno,jotelogo koting’o governor Cornel Rasanga ma Siaya,Senators James Orengo,Moses Kajwang’ to kod Fred Outa ne jowacho ni limbe no dhi neno ni weche dngruok omi teko e aluorani mar Nyanza.

Negilero ni mae bende en ranyisi ni tich ma kanyakla e kind ker Uhuru to kod moluor Odinga en kaka yor kelo dongruok ne jopiny.

Jotelogi bende ne omedo ni mae dhi bedo kinde maber mar mondo moluor Odinga obi okwa komno mar ker e higa 2022.

Ne ginyiso yie margi ni Odinga nyalobiro bedo e thuolo mkare ne telono tok ka Kenyatta obiro otieko tije.

Jotelogo bende ne omedo ni kata nade ok gibiyie mar neno ni DP Wiliiam Ruto kawo telo ka iwacho ni biro chune ar dhi pacho bang’ ka kinde gi e apis obiro orumo.

Limbe ni ker Kenyatt achano timo mar dhi yawo weche gedo mag apaya e sub-counties kaka Bondo,Ugenya,Ugunja,Alego Usonga kama bende obiro yawoe chenro mag pii maneoger e bwo sir mar African Development Bank,kama jatend migao mar pii Eugene Wamalwa yande ne oseliomo chenro e kinde mokalo.

To e county ma Kisumu,Kenyatta igeno mar biro chako ayanga chenro mar chiwo okumba thieth mar uhc mane ochaki e counties 4 mokwongo ka Kisumu ne en achie kuomgi.


Reader's opinions

Leave a Reply

Your email address will not be published. Required fields are marked *


SKY 106.1 FM

Mil Polo

Current track
TITLE
ARTIST