Mane en sanator mogwel Joy Gwendo ong’adne buch twech higni 2 gi nus…
Written by admin on December 7, 2018
Mane ne sanator mogwel Joy Gwendo ong’adne buch twech higni kod doho tok kane oyude gi keth mar timo mobadhi to kod tiyo marach gi apisi mare e kinde mane en jatelo kaka senator mogwel e ndalo machien kocha.
Doho ne ogolo chik mondo otweye achiel ka achiel tok ne temo wuondo doho kokalo kuom gigo ma iwacho ni ne gin mag miriambo e bura no mane omakne e kinde mokalo.
E tarik 23-10-2016 e aluora mar Chiga-Kicumu East-Kisumu County,wachore ni Gwendo neotiyo kod tende no e loko omenda mane onego mi riwruok jopur pamba-Kisumu East Cotton Growers Cooperative mane oloko nyaka e riwruok mar Kivali Develppment Initiative e ataro mar chik,omenda mane nyalo romo million 2,226,800.
Bende keth mar 3 kod 4 mane oyude godo en mar ne chiwo cheque mabandia mane ni e kind omeda marom 300,000 kod 950,000 mabende ne omiyo doho omede go kum mar tweche dweche 6 kendo.
Kata kamano Gwendo ne okwayo doho ng’wono kolero ni oikore timo chudo go kod yudo yor tieko wachno,ka ne okwayo mondo kik ne tweye e od ang’ech achiel ka chiel.
