OMENDA MA IORO KOD JOKET MWANDU NE KAUNTI MA KISUMU OKETNE AGENG’A KODA OD BURA

Written by on July 31, 2019

BY JOWI RAYMOND.

Omenda ma ioro ne tend sirkand kaunti ma Kisumu kowuok kuom joket mwandu koda aguch chiwo sir (Donors) biro medo bero mana aluora mar chuny boma ma Kisumu kende kaka osebed ka itimo, od bura onogo ong’ado.

Mae kaluwore koda twak mane ochwal e nyim od burano ma Kisumu mar ne chuogo chik ma dhi chuno tend sirkand kaunti ma Kisumu mondo jopog omenda ma ioro koda joket mwandu e konyo chwalo weche dongruo ok ne chuny boma ma Kisumu kende to nyaka e bombe masani osechako dongore e aluora mar kaunti onogo.

Paroni ne jorem mar puodhi tok koso yudo sir kowuok kuom MCAs buora.

Kane oloso e wi wachni ma en MCA ma Railways Ward Pastor David Arao ne jodagi siro twagno ka olero ni ka ogol omenda go chuny boma ok bi chopo lek mar dongore ma ochwae orom gi chuny bombe mamoko ahinya to ka otenore koda romo ma ochan bagi e chumy boma maduong’ ma Kisumu e hik 2021 ma ong’ere ni AFROCITIES SUMMIT ma Migosi Arao lero ni onego yud ka Kisumu osebero aluora mare.

Korka kore ma en MCA ma West Kisumu Ward Migosi Paul Manager Okiri bende ne jokwedo parono ka olero ni ok onego ma omenda mar bero chuny boma ma owacho ni bombe mathoth pod ok nyal kata mii thuolo mar luongore ni CITIES gino ma okwayo tend kaunti no ma Kisumu mondo jokawe motegno chal mar bero chuny boma no.

Komachielo bende Migosi Okiri odok ne chenro mar daro jotim ohala matindo e geng apaya koda aluora mokiepo kod chuny bomano ma owacho ni gikone to berne biro neno kata odoko ni koro sech to medo wuoke.


Reader's opinions

Leave a Reply

Your email address will not be published. Required fields are marked *


SKY 106.1 FM

Mil Polo

Current track
TITLE
ARTIST