Oboke bandia mar thoo, ji abich ochwal e nyim doho.

Written by on September 12, 2019

By Joseph Owino & Dave Opiyo.

Ji abich mawuok e sub county ma Kendu Bay kama oting’o jalup ruoth, pastor, apisas ariyo mag  thieth kod ji ariyo mamoko nyoro ne ochwal e nyim doho ma Kisumu kama ne odonjnegi kod ketho mar loso oboke ma bandia mar thoo kendo yudo omwom maromo shillings million aboro.


Ji abichgo, moting’o Andrew Okeyo Osewe, Monica Bolo Odoyo, Wilson Were, Alfred Nyangau Odhiambo kod Harun Diero Ajwang’ wachore ni e kind tarik 20 mar january, 2018 gi tarik 2 dwe mar Ang’wen 2019, kama nyinge ok oyangore malong’o, ne otiyo kanyakla e yor miriambo e loso oboke mabandia mar jago miluongo ni Samuel Odoyo Agira kendo yudo omenda maromo shillings milllion aboro kokalo kuom kambi mar Old Mutual Life Assurance.


Lipot mathoth lidho ni Andrew Okeyo Osewe ma en jadolo kod jalup ruoth ma lower Kakwar Juok sub location ka gitudre kod apisas ariyo mag thieth matiyo Kendu Adventist Hospital, ne oyiere kendo keto kokgi e otas miriambo ne kambi insuranceno ka wacho ni Migosi Samuel Odoyo Agira  ne yudo thieth e kar chiwo thiethno… lipot mane gidagi yiego.


Kane ong’ado burano, jang’ad buche Martha Agutu ne ochiwo bond mar Shillings alufu mia achiel gi piero abich kata cash bail mar alaufumia achiel ne ng’ata ka ng’ato. Burano ibiro chak winjo tarik 21/11/2019.


Reader's opinions

Leave a Reply

Your email address will not be published. Required fields are marked *


SKY 106.1 FM

Mil Polo

Current track
TITLE
ARTIST