Jo ohala ma juakali e chuny boma ma Kisumu oyudo fuong’ruok.

Written by on September 19, 2019

By Raymond Jowi.

Jo ohala ma osebedo ka timo ohendnigi e kar ohala ma juakali e chuny boma ma Kisumo koroni to nyalo yudo fuong’ruok kendo dhi nyime gi chenro magi mar ohala maonge luoro mar ni inyalo muk kendo keth mwandu gi.

Mae kaluwore gi okang’ mane okau mar choro nyime thuolo mar daro jo ohala go kowuk e chik mane ogolnegi kod duol mar pur kod ohala(Agricultural finance corporation) ma gin e weg loo ma jo ohala go use.

Duol onogo yande ne jochiwo ne jo ohala go ndalo abirio mondo gidar chik mane ogolnegi tarik 13 dweni.

Kata kamano kaluwore gi yuak mar jo ohala go mondo chor negi nyime thuolo mar daro gi ne jochuno gavana ma kaunti ma Kisumu Ngire Peter Anyang’ Nyong’o kaachiel koda ma en MCA ma Railways Ward Migosi David Arao mondo ne bag romo kod tend riwruogno mar weche pur kod ohala e yudo lwasi mar keto winjruok
Romo no ne jonyuolo olemo tok ne winjruok bedo kendo kweth ariyo go yiere mar choro nyime chenro mar daro jo ohala go kod dweche auchiel

Ka ne oloso e wi chenro ni ma en MCA ma Railways Ward ma kar ohala no yudre ne ojiwo jo ohala go mondo odhi nyime timo ohendnigi maonge luoro e kinde ma sirkal mar kaunti no ma Kisumo dhi nyime rango okenge mong’ith e yudo chenro ma kare ma inyalo bi dargi go ma onge lal to kod kethruok mwandu.


Reader's opinions

Leave a Reply

Your email address will not be published. Required fields are marked *


SKY 106.1 FM

Mil Polo

Current track
TITLE
ARTIST