Geng’o Midhiero Mag Thoo Mag Mil Polo.

Written by on September 30, 2019

By Moses Omolloh and Joseph Owino.

Jotelo e Sub-County ma Rongo, ei Migori county, okwaa mondo omany okenge mar kelo gigo ma geng’o mil polo mondo oduok chien midhiero mag thoo mabiro kaluwore gi goruok polo e kuonde somo kaachiel gi kuonde mamoko mopogore opogore e countyno.

Maa, en kaluwore gi Joseph Nyamanga, ma en jalup ruoth mar South Kanyajuok mayudore e sub county ma Rongo mane owacho ni polo osegoyo gweng’no kuom ndalo mathoth kendo jii koro nigi luoro ne ngimagi ka koro to gikwayo tend county ma Migori kaachiel gi migepe mamoko mondo oyuor okonygi e keto gigo ma geng’o mil polo ahinya hinya gi kindeni ma ndalo koth osechako mondo ogeng’ midhiero makamago.

Kane owuoyo gi nyakalondo mar Sky, Nyamanga ne owacho ni lipode mag goruok polo osechiew kuom ndalo mathoth kendo wachno onego orange malong’o.

Maa, biro ndalo ariyo kende tok ka jopuonjre auchiel kod janyuol achiel mawuok e skund sekondar ma Arundo yudo hinyruok mokalo tok kane ogogi kod polo e midhiambo ma nyoro e seche mane koth mapek chwe e aluorano.

Nyamanga, bende ne owacho ni jogo mane  oyudo hinyruok ne oring-go e od thieth ma Rongo Sub-County kuma ne giyudo thieth kendo yienegi dok pacho.


Reader's opinions

Leave a Reply

Your email address will not be published. Required fields are marked *


SKY 106.1 FM

Mil Polo

Current track
TITLE
ARTIST