Obila ma Suna-west sub-County manyo ojende mane orodho jalup ruoth

Written by on September 29, 2020

By Moses Omollo…….. 29/9/2020.

Obila e sub-county ma suna west dhi nyime kod timo apedha mar mako ojende moko mawuok e gwenge mag oruba sub-location mane orodho jalup ruoth ma oruba kod achiel kuom jodonge kod kite odiochieng ma nyoro e thuolo mane jalup ruothno kod jodonge ne jodhi reso nyadendi moro ma wachore ni ne olorne kod achich moro e gwenge mag oruba odhiambo ma nyoro.

Jalup ruoth ma oruba –sub-location migosi Charles ouma ne okone nyakalondoni ni en kanyakla kod jodonge ne giyudo lipot ni nyadendi moro olorne eot moro  kendo goyo nduru mondo onyal konye kama kane giringo ma gichopo e ot mane olorne nyadendino to ne giyudo jago mane olorone nyadendino ma gichwe gimako.

Migosi Charles ne okoni bang kane giseko mako achijno mane oloro ne nyakono ma gitueyo piny ne gidhi mondo ne ginyal yawo dhot ne nyako mane olorneno wach ma okoni kapok ne giyawone to ojende moko ma osiep achich mane omakino mawuok e gwengego ne ochako bayogi kod kite mondo ne ginyal weyo achijno ma bende wachore ni en achiel kuom jogo ma uso kuom maok opuodhi mag changaa e gwengegoero ma oruba.

Ne ochuno mondo ne jalup ruodhno kod jodonge mondo ne oring ores ngimagi e thuolo ma jogweng bende wachore ni ne ochako oriwore kod ojendego kendo bayogi kod kite ma ochwe ohinyo achiel kuom jodong chief kanyakla kod jalup ruodhnoero wach mane omiyo achijno mane giseko mako ne oringo kendo olal kod nyako mane oloroneno nyaka e thuolonieri.

Gi e thuoloni obila ma suna east dhi nyime kod manyo achijno kod ojende mane omonjo jalup ruodhnoero kod kite odiochieng ma nyoro wach ma jalup ruoth Charles ne okwedo e okang ma malo kaka mano ma ok onengo dhi nyime e gwenge mag Oruba.


Reader's opinions

Leave a Reply

Your email address will not be published. Required fields are marked *


Continue reading

SKY 106.1 FM

Mil Polo

Current track
TITLE
ARTIST