Dwaro Mondo Chung Dwol mar Riwo Oganda e Pachoka

Written by on October 1, 2020

By Moses Omollo

Jakeno mar jodong luo e pachoka jaduong Abel Ombuor dwaro mondo dwol ma ochung ne riwo oganda jokenya kamoro achiel ma bende idendo ni(national cohesion and integration commission) onyal wuo oko nikech oremo timo tijene kaka owinjore.

Kane oloso kod nyakalondoni jakeno mar luo council of elder jaduong Abel Ombuor ne okoni odwaro mondo dwol ma ochung ne riwo oganda jokenya kamoro achiel (NCIC) onyal wuo oko nikech oseremo timo tijene kaka owinjore e pachoka.

Jaduong ombuor ne okoni en gima iwuoro ni dwolno osebedo ka ichulo kod osuru mar jokenya to osebedo ka oling e thuolo ma jotelo mathoth to osebedo ka wacho weche ma richo ma nyalo rocho kwee e kwonde ma opogore opogore.

Migosi ombuor ne owacho ni da ber ka dwolno onyal kethi kendo jotelogo ma osebedo ka chamo msahara to onge gimatimo onyal wil nikech ok otim tijene kaka owinjore ka okoni jotelo mathoth osebedo ka yanyore e pachoka kendo wacho weche ma nyalo thuwo oganda to onge okang kata achiel ma osekaw ne jotelogo kata matin.

Migosi ombuor bende ne okwayo jotend kanisni ma opogore opogore e pachoka mondo kik yie loko kanisegi kwonde goyo siasa ka okoni jotelo mathoth sani oseloko kanisa pawgi mar goyo siasa kendo giwachoe weche maok owinjore.

Wuok oko mar jaduong ombuor biro mana e thuolo machwok bang jotelo ma opogore opogore osebedo ka wacho weche ma richo ka moko bende yanyore wach ma okoni kidek pogo oganda jokenya ka okoni weche mag akweda mag thoudi jotelo ok onengo donjrego kata matin.


Reader's opinions

Leave a Reply

Your email address will not be published. Required fields are marked *


Continue reading

SKY 106.1 FM

Mil Polo

Current track
TITLE
ARTIST