Chok taka e boma ma Migori

Written by on October 23, 2020

By Moses Omollo……22.10.2020.

Jodak kod jotim ohala e boma ma Migori ywakne piny owachoni mar County mondo oyie oritie ler mar boma ma Migori kendo choko taka masani odhurore kuonde mopogore opogore to pok ojow kuom kinde malach.

Moko kuom jodak e county ma Migori koro wachoni gin kod luoro ni ginyalo gamo touché motenore kod chilo nimar yugi odhungore e konde duto mag bomano kendo onge kaka ginyalo dak e yoo makare kaluwore kod tik marach kod lwang’ni mawuokie yugigo.

Kane owuoyo kod Nyakalondo mar sky e boma ma migori , achiel kuom jodak e aluora ma posta grounds mane oyangore kaka Elly Ochieng’ ne oywago ler e boma ma migori kendo ywakne tend piny owacho ma migori mondo oyie oketie ler kendo ogolie taka mani e yoo madhi e mortuary ma Migori referral hospital

Bende Albert Keya maen achiel kuom jokristo  mag Anglican ma St. John’s the evangelist mayudore posta ne osiro wechego kendo leroni sani kaluwore kod tik marach mawuokie takago ma ochoki e bath kanisano onge kaka ginyalo lemo e yoo makare nimar tik marach kod lwang’ni  opong’o aluora mar kanisani.

Kaluwore kod chandruogni, giywakne tend piny owacho ma Migori kokalo kuom migao mar aluora mondo oyie ogolie takago kanyo kendo oriti ler mar boma ma Migori eyoo makare ahinya to ekindegi ma ler kata hygene idwaro e okang’ mamalo.

Insert Anglican 2.

Kane owuoyo ewi wachni, joseph Otieno Nyambori maen jakom mar town planning ne owachoni gisebedo kod dok chien ewi weche mag omenda nimar county nepok oyudo pesa koa e piny owacho mamalo to katakamano ne osingoni tich mar choko taka biro chakore mapiyo kabe ne osingone jokanisa mar Anglican bade ma Migori ni taka ibiro gol machiegni kod kanisano kapok ochopo jumapil tarik 25 dweni.


Reader's opinions

Leave a Reply

Your email address will not be published. Required fields are marked *


Continue reading

SKY 106.1 FM

Mil Polo

Current track
TITLE
ARTIST