Jopiny ma Siaya gikone to oyiere giduol achiel mondomi sub county no opog

Written by on December 22, 2020

By Alseba Akinyi

 Jodak ma Siaya sub county gikone to oyiere mar poge e sub counties ariyo mano Alego kod Alego/Usonga.

 Jodak go maneotingo josiasa, jotend dinde, jogo mankod ng’ol kaachiel kod jotend arita kwee ne oyiere Ni Karemo division masani nikod Kwan oganda maromo 105,300 ogol e county ma Siaya Sub-county kendo loso Alego Sub-county.

Kanegwuoyo Karemo chiefs champ ekinde mane oyuoro Romo mar mbeko e wach Pogo sub-county no, bende negiyiere mar riwo division ma Boro kaachiel kod Uranga maduto nkod Kwan oganda maromo 119,00 mondomi olos Alego/Usonga Sub-county kabende romono neong’ado Ni nying mar Siaya ibieo Mana tigodo e log tich Mar county.¬†

 Magi duto neochopie bang romono maneiye otedore nyowuoyo ka jochung mag divisions duro neotero dwachgi ne jalup commissioner ma Siaya Migosi Eric Wamulevu mabende emaneochwo kom burano.

Ekinde romono, penjo ne obetie kaponi North Alego location mabende yudore e division ma Boro owinjore olwar e Alego/Usonga sub county koso owinjore odong e Alego sub county.

Ewi wach Kwan  divisions, locations kaachiel kod sub- locations, Migosi Walemavu ne owachoni mago ibiro mbekie bange kakoro ipogo kieo kendo jopiny giwegi biro yiwre e nyinge magitiyogo.


Reader's opinions

Leave a Reply

Your email address will not be published. Required fields are marked *


SKY 106.1 FM

Mil Polo

Current track
TITLE
ARTIST