Od bura ma Kisumu koro to oyango ni giseketo chapa egaset mar Kenya mar biro neno ni chieng tich ariyo gikalo lipot mar BBI
Written by Dave Opiyo on February 1, 2021
Ogai mar od bura ma Kisumu migosi Elisha Oraro koro to oyango ni giseketo chapa egaset mar Kenya mar biro neno ni chieng tich ariyo gikalo lipot mar BBI.
Kata obedo ni gisebet eyweyo kuom kinde mathoth, ka owacho ni pod lokruoge nyalo bedo e odiechieng ma gibiro kaloe e lipodno kaluore kod galamoro ma oluongi kod migosi Raila Odinga,galamoro ma oting’o jotelo duto mawuok kaluo ka ochakore Mcas,jo od bura duto ma kaluo kachiel kod jotelo ma opogore opogore epiny luo.
Bende ne olero ler makende koro obiro golo tok ka osetudore kod apis moluor ma Raila Odinga mondo oket ayanga odiechieng no magibiro kaloe lipodno gin kaka od bura ma kisumu.
Migosi Oraro ne oriko loso e bura mane oluongi ka jaduong Opiyo Otondi mabende en ker mar luo.
Bende ne okwayo ojende mawuok egwenge ma Kisumo mondo otem ochik itgi kendo okau puonj kuom jodongo kabende okwayo jodongo bende mondo otem obed jogo ma ochikore tiir ma ok obedo akara nimar jodongo e jogo manyalo miyo ojende yoo magiluo makare.