Od bura ma Kisumu opedho twak mar loko pend chik mong’ere kaka BBI report e nyim od burano
Written by Dave Opiyo on February 2, 2021
Od bura ma Kisumu opedho twak mar loko pend chik mong’ere kaka BBI report e nyim od burano.
Twagno manopedh gi Migosi Seth Okumu ma East Seme nopedh e nyim speaker mar od burano Migosi Elisha Jack Oraro kendo ogae mar od burano nochwalo lipodno ne kamati mar chike kendo koro idhi chwale e it jopiny kendo koro idhi goye kogno gi jopiny chenro mong’ere kaka public participation.
Od bura ma Kisumu emachal od bura mokuongo pedho twak mar loko pend chik mong’ere kaka Amendment Bill 2020.
Chenro mar public participation dhi timre chieng’ tich abich kendo ogae mar od burano kwayo oganda jokisumo ni oyie ochwal paro magin go ne apis mar clerk.
Nomedo ni kochopo chieng’ magiduogo eod bura mano chieng’ tich ariyo juma manyien gidhichako twak ayanga e wii loko pend chik.
Nokwayo oganda jopiny ni ogo kogno lupodno kendo gifuone mar miyo od bura tich mayot mar kalo kata kwedo lupodno.
Seth Okumu jakom mar pend chike nolero ni gidhi temo kaka ginyalo e kalo duond od burano.
