Maromo nyithindo 4 ne polo ogoyo ka nyathi achiel maja higni 14 owito ngimane kanyo kanyo

Written by on March 22, 2021

Maromo nyithindo 4 mayawuowi ma hikgi ni e bwo higni 14 ne polo ogoyo odhiambo ma nyoro e gwenge mag nyahera ei east kanyamkago ei Uriri sub-county  kendo weyo ka achiel kuomgi ma wuowi majahigni 14 to nie  class 6 owito ngimane kanyo kanyo.

Kane oyango wachnoero jalup ruoth ma Arambee sub-location migosi Ogina Otwala ne okoni e thuolo mane koth chwee odhiambo ma nyoro ekinde mane nyithindogo obuok emane polo omor matek ma ochwee ogoyogi ka achiel kuom nyithindo majahigni 14 to nie  class 6 to ne owito ngimane kanyo kanyo ka jowetegi 3 to ne oring godo nyaka e karthieth ma ulanda dispensary kapok ne odwog ochwalgi e kar thieth ma Migori referral hospital kanyo ma pod giyudoe thieth nyaka e thuolonieri.

Migosi Ogina ne okoni e thuolo mane polo ogoyo nyithindo ne nitiere dhok ma bende ne kwayo machiegni kod kanyo mane nyithindogo obuogie ka okoni achiel kuom dhok mane ni machiegni bende ne polo ogoyo e thuolono ma oweyo ka dhiang achiel  owito ngimane.

Ne okwayo jonyuol ma kono mondo kinde duto oneni obedo machiegni kod nyithindgi ahinya to e thuolo makoth chwee mondo weche mag masirni machal kamano kik chak timre kane okoni e thuolo ma koro skunde ne oselor kendo nyithindo ni pacho ber mondo jonyuol okaw thuologi mar neno ni gichiwo arita malongo ne nyithindgi.

Ringre nyathino maja class 6 ne osekaw kod obila ma awendo kendo chwalo nyaka ekar kano ringre jogo ma othoo ma Migori kanyoero ema igen timne bero mar yango gino ma dine kell thone.


Reader's opinions

Leave a Reply

Your email address will not be published. Required fields are marked *


SKY 106.1 FM

Mil Polo

Current track
TITLE
ARTIST