Achich moro mar kwo oyony matin elak rumbi mar jopiny manenigi mahu mager

Written by on March 31, 2021

Achich moro mar kwo majahigni 26  ne oyony matin elak rumbi mar jopiny manenigi mahu mager bang kane omonjo kendo hinyo ojende moko ariyo e gwenge mag Gombe otieno manyoro.

 Frankline Odera Alando kod kweth mare mar njoreno wachore ni ne omonjo ojende ariyogo ekinde manerik gidhi e budho e liel moro kendo negichadhogi gi ojalo kaaeto gimayogi apiko manegingo kaachiel kod simbegi mag ongwe yamo.

Kaluore kod Jalup Ruoth ma Migwena West, Migosi William Oreme, masirano ne ochwal lipode e tesend obila ma kopolo kakoro negichako  Timo apedha mar yudo achijego mabange to negiyudo apiko kakoro achijego tonerik oselal miru.

 Jatend loch nangano neoyangoni achich maduong manyinge Franckline Odera mabende osebedo kaotwe e jela kuom kinde kendo osebedo kasando jopiny makono ne oyudi kod rumbi maneoikore mar tieko ngimane kabende obila ne ochopo kuro kendo neobuodho ma oringo nyaka e tesend obila ma Kopolo.

 Oluoni achijno oseyango jogo magisebedo kagisandogo jopiny kakoro itimonegi apedha.

Jalup ruotho bende okao kindeno mar siemo want jopiny kuom kao chik elwetgi koluoni owinjore giter jok makamago ka obila.


Reader's opinions

Leave a Reply

Your email address will not be published. Required fields are marked *


Continue reading

SKY 106.1 FM

Mil Polo

Current track
TITLE
ARTIST