Koth mapek medo wito ngimaji kendo ketho kuonde dak mathoth

Miyo moro gi nyathine ne owito ngimagi e boma ma Homabay tok ka ataro mar pi noywero nyamburko mar Nissan mane otingo’gi kowuok Migori kagidhi Kisumu kaluwore gi wach koth mosebedo kachwe e pachoka.

Wach makamano noyangi gi OCPD migosi Essau koleroni ringre nyathino noyudi ka mano mar min gi to pod imanyo.Kanowuoyo gi duol mar msalaba makwar nolero ni chich nitie ni pi noywero miyono nyaka nam victoria .

Midhiero makamago bende ne onenore makweni kod kilifi county ka koth mapek nolal gi ngima mag nyithindo adek ka mwandu mathoth bende pi noketho.Bende koro oganda mathoth odong maonge utegi.