Gor Romo Kod Hull City Mar Ingeresa Dwe Mar Abich E Tugo Mar Osiepe
Written by Collins Dudi on March 28, 2018
Jandiko: Collins Dudi
Joloch -16 e ligi ma pacho ka ‘Kenya Premier League’ Gor Mahia koro ochano mar bago opich osiep ei pacho kae kod tim mar Hull City tarik 13/05/2018.
“Wachano mar gocho gi Hull City tarik 13 dwe mar abich ei alap tuke mar Kasarani. Josir tukegi oseloso kendo oyieni tugoni biro timore ma ok obare,”Jagoro ma ongirore Judith Anyango nyo oloso kod od fwambo gi keyo moro e pacho kae.
Gor kod Everton e tugo mar osiepe iga mokadho ei piny mar Tanzania. Everton ne ogoyo Sirkal 2-1.
Tugo makama biro bang’ne tim mar Kogalo rado kod Everton ma gocho e lig ma malo e piny ingeresa iga ma okadho e tugo mar osiepe e piny mar Tanzania. Kata kamano tukgi kod Hull City ma bende ae piny ingeresa osir kod kambi mar Sportpesa. Ka Hull City en achiel kuom timbego mayudo sir mar Sportpesa.
Kaluwore gi chenro,nitiere dwaroni jodito mag Hull City oketie e tim weche mag thieth kata ‘clinic’ ka gimolo e pachoka.
Ei chakruok iga ma okalo,duolno ma ochung’ne ligi ma pacho kae KPL ne oyiero tim ma bende ne otisi ni ‘Sportpesa All-Stars mondo odhie piny ingeresa,kama ne gitugo kod Hull City Junior mane orodho gi gonde 2-1.
Kaluore gi chako ligi gi sironyo kod liet mokadho,nitiere geno maduong ni Gor Sirkal biro ndiko duoko makare e tukgi kod ‘The Hull’. Sirkal nyocha ong’uk oko e piem mar CAF kod Esperance mar Tunsia.
