Tend Kaunti ma Kisumo chako apedha mar mako kendo chwalo e doho jogo maluoko nyamburko e geng Namlolue
Written by Jared Oketch on April 7, 2018
Moko kuom nyamburko ma iluoko e geng namlolue Photo Courtesy.
Chik mager koro to ogol mar biro mako kendo chwalo e doho rawere kod weg nyamburko ma ibiri yudi kaluoko nyamburko mekkgi go e geng Namlolue.
Mae chik ma ogol kod jatend migao mar weche aluora e kaunti ma Kisumu Migosi Salmon Orimba ma bende osiemo wang’ josiasa makidek bedo gi paro mar rwako siasa e okenge mag bero weche aluora gi ngima.
Orimba odhi nyime lero ni kata kuonde budho kod math bende ma oger mokiepo gi nam bende ibiro limo e neno ni minyaga kodo gigo mochido ok opuki kadok ei namlolue.
Migosi Orimba bende ne oten kod nyawadgi mar weche ngima kod ler Mikai Rosemary Ombara.
