Jasiasa matene Kenneth Matiba owiti ngimane.
Written by Rodgers Ogongo on April 16, 2018
Jasiasa Kenneth Matiba/photo courtesy
Mane en jasiasa maratipo e pachoka Kenneth Matiba gikone to koro ne owito ngimane kaen gi higni 85.
Matibe ne oter e kar thieth ma Karen ndalo 55 mokalo tok kane obedo gi pek mar chung’ tok fuondene ne obedo gi yomyom.
Matiba yande oter e kar jotuo ma ohewore[ICU]mane okete kuom ndalo 14.
Matiba yande en achiel kuom josiasa mane okedo matek ne demokrasia mar duond buche mathoth e pachoka kochakore higa 1992.
Katiba bende ne odwaro kom ker to kata kamano,lek mare neok ochopo kare kama ker machon Daniel Moi ne oyomboe.
Matiba ibiro paro kaka jogo mane okedo matek ne ratiro mar duond buche kod oganda pachoka kokalo kuom seyo mane giketo ne piny owacho mane iwacho ni ne rocho ratiro mag oganda.
Matiba ne onyuol 1-6-1932,kendo ne obedo achiel kuom jokanyo mane obedo e okang’ mamalo mar kelo telo makare.
Bende en emane ochako duond bura mar Saba Saba Asili mane obiro tok chochni mane obedo 7-7-1992 kama oganda mathoth ne ohinyore kane gidwaro thuolo mar duond buche mathoth..
