Mane en Miyo mokwongo America Barbara Bush owito ngimane kod higni 92

Written by on April 18, 2018

Min od Ker mach,Barbara Bush/photo Jewel Samad

Mane en min od ker machon America Barbara Bush ne owito ngimane kan gi higni 92,ka wachni omiyo jatelo buora oora ote mag puoch gi pak ne mosenindo Barbara kaka miyo mane ochung’ motegno e weche telo mag piny America e bwo ted George H.Bush kod otiko mar Republican.

Koyango wachni,jataa chenro e par dak mar Bush Jean Becker ne olero ni Barbara kod Bush ne odak kuom higni 73,kendo wachno oweyo migosi Bush kod kuyo miwuoro.

Becker olero ni Bush ne omako lwet Barbara e odiochieng’ mangima nyoro,kane pok owito ngimane.

Becker omedo wacho ni Bush masani ja higni 93 bende osebedo katuore kuom ndalo mokalo,kata kamano obiro medo chung’ motegno ne familia ne.

Chenro mag iko mare ibi landi,kama koro iwachoni,Barbara oweyo nyithinde 5,min utegi,nyikwaye 17 to kod nyithi nyikwaye 7 to kod owadgi Scott Pierce.

Ne wach luor makende ne George Bush,ker Donald Trump ne ogolo chik mondo bendera duto e pinyno twe nus nyaka chop chieng’ be ik Barbara.

Barbara ibiro paro kaka min od ker mane otiyo maber kendo min ker machielo George Walker Bush to kod governor machon ma Florida Jeb Bush mabende ne odwaro komno mar ker.

Barbara ne oromo kod Bush kane en ja higni 16 sama Bush ne somo e tielo mamalo Massachusetts ,kama bang’e ne gikendore 1945 bang Bush ne dok pacho yweyo kowuok e tich kaka ofisa mar jolweny pii[Nevy-naval officer].

Ne giyudo nyithindo 6,ka 5 pod ngima sama nyathine mar 2 Rob ne otho kapod tin kokalo kuom tuono mar leukemia.


Reader's opinions

Leave a Reply

Your email address will not be published. Required fields are marked *


SKY 106.1 FM

Mil Polo

Current track
TITLE
ARTIST