Romo mar Gavanas osingo bero chenro buora e kauntis mekgi.

Jotelo mag LREB kod mag Ford Foundation.

Duol makelo kanyakla Gavanas mawuok e aluora mar Nam Lolue kod gwenge mokiepo kodgi e bwo riwruok mong’ere kaka Lake Region Economic Block (LREB) e bwo jakom margi Migosi Wycliffe Oparanya, onyiso morgi gi romo ma dhi nyime e kaunti Kakamega ma giwachoni dhi medo tego winjruok mane orik gisekalo e ogirimiti mar tiyo kanyakla mane opwodhi tarik 26/3/2018.

Kane gitwak kod jofuambo e magawa moro e boma ma Kisumo, jakom mar riwruogno, Migosi Oparanya ne jonyiso yie mare ni moko kuom weche ma idhi kalie e giko romo ma kelo kanyakla gavanas duto thurkae biro medo bero moko kuom lek ma gin godo kaka jodito e kauntis ma okiepo kod Nam Lolue.

Moko kuom weche mane gisingo biro miyo pek oting’o ka; bero kuonde timo nonro manyasani,ting’o malo weche oala, manyo chirni ne jopur kod jo oala mawuok e kauntis magirito kaachiel kod bero weche limbe e aluora mar Namlolue.

Gilero bende ni gidhi kao thuolo onogo mar lalore gi sirkal mamalo e bero lwasi mar tich e kindgi ahinya to komakore gi weche pok mar omenda kod choko mar osuru ma osebedo pek ne kauntis buora thurkae.