C.S Rotich chano chwalo budget mar 2018/19 kawuononi e od bura

Jatend Migao mar omenda Henry Rotich/Courtesy

Jataend migao mar omenda Henry Rotich kawuononi biro ng’eyo chal mare kotenore gi budget mar hik omenda ma 2018/19 maromo 2.4Trillion ma odhi pedho e od bura.

Kane owuyo nyoro,Rotich owachoni mise magiseketo biro miyo parono yot komakore gi lek 4 madongo mane ker Uhuru Kenyatta yande oketo,magin Arita ne chiemo,Ngima maber ne jopiny,Loso mwandu kod Ute mabeyo mag jopiny,kabende ne omedo lero ni Kenya osenyiso nyalo margi e dhi nyime gi dongruok kata e kinde ma piny tek,kogolo ranyisi mar weche siasa ma higa mokalo kama Kenya ne otemoe weche dongruok nyaka 4.9% kata ka obedo ni weche siasa ne tek e pachoka.

Rotich bnende ne olero ni giikore mar medo goyo okang,kagidhi nyime gi weche mag dongruok makare kama bende ginie gi ageta mar hik omenda masani.

Rotich ne oleroni weche mag pok mag omenda e hik  omenda ni ne odhi malo kod billion 314 kowuok e billion 302,sama mag chenro moyiedhi e countioes bende ne omedore nyaka 58.7 billion kowuok e billion 24,ka mae iwacho ni en medruok mar billion 2000 kopogore gi billion 1.6 ma KRA geto yudo e hik omendani,sama KRA yande ok ochopo ageta margi mar nus hik omenda ni kod billion 68.3.

Wacvhni yande omiyo Rotich ogolo ote ni biro chune mar limo log tich mar KRA mondo oyang kadiponi chochni moko osebedo e weche choko Ushuru.