Pogruok nyalo bedo e kind riwruok mag Lecturers e ndalo mabiro

Chal kagima pogruok nyalo bedo e kind lecturers pachoka kotenore gi ng’anyo maosebedo kadhi nyime e pachoka gisani.

Magi ne oyangore nyoro tok weche moko liekore ni lecturers mag Technical University of Kenya[T.U.K]ne lieko ni giikore dok e tich kochopo kiny tich 3.

Magi ne owuok komakore gi andiko mane otim ne lecturers go kod tend mbalariany go ne wachoni giikore mar tero pacho moko kuom lecturers mosebedo ka pod ng’anyo e wach mar chudo mar CBA ma 2017-2021.

Kane owuoyo e wachno,jalup jakom mar UASU Joseph Mberia ne olero ni kata obedo ni siem moko osebedo ka imiyogi mar chuno gi gidog e tich,en ni dwaro mar gi en ni mondo wach mar chudo no otim makare eke gibiro dok e tich.

Mberia leroni onge kaka inyalo ter moko kuom gi pacho kolero ni dwachgi en man kare ne weche chudo.

Oleroni duol no mar UASU  ne olosi hga 2003,to kane ochopo 2004,ne gitimo ng’anyo mar dweche 9 maonge ng’at mane oter pacho kata osachgi be ne ok ong’adi.

Olero ni gidwaro mondo chudo mag dwe mar 3 kod 4 omigi nikech onge gima omiyo ne otamruok mar miyo gi chudogo kamakore gi wach mar ng’anyo.

Ne ojiwo jokanyo duto mondo kik bed gi luoro kata obedo ni siem osebedo ka imiyo gi.

Mberia ne owacho wechegi tok ng’ur mathoth ne owuok ni piny owacho kod migap somo ne temo golo siem ne lecturers go mondo odog e tich.