Jalup ker W.Ruto bende ne okwayo ng’wono…
Written by Rodgers Ogongo on May 3, 2018
Ker Uhuru Kenyatta[photo courtesy]
Mae en ote mane ochiwo ne jopiny kokalo eod bura mapachoka nyoro,Kenyatta ne ooro ote ne mar kwee kendo wacho ni dwaro margi maduong’ e neno ni kwee obedo nyaka ndalo manyime.
Kenyatta ne okwayo kwee makende,kabende ne opwoyo moluor Raila Odinga kuom ne kawo thuolo mare mar yie mondo gitim twak mar kwee kod achiel ne jokenya duto.
To mana bang’ thuolo macuok tok Kenyatta ne golo ote no,jalupne William Ruto bende ne okawo thuolo e yor mbui mare mar twitter kendo oro ote ne mar kwaruok ng’wono.
Ruto ne okawo okang’ mar jowo jokenya mondo oyie obed gi kwee mondo weche dongruok obed makare ne jopiny duto mapachoka.
Ruto ne olero ni okawo okang’no mar oro ote ne mar weruok richo koleroni en bende koro oweyo ne jogo duto mane okosne kata mane okosonegi e yo moro amora e pachoka.
Kata kamano,moko kuom jokenya ne odokne Ruto kuom okang’no kendo wacho ni en yoo makare mar mondo jotelo oket kwee kendo oti kanyakla achiel,to bende moko kuom jokenya to ne odwoko wach kagiwachoni migosi Ruto ne ochiwo oteneno mana mar lombo wang’ jopiny ka chunye ma iye to chal ni pod nigi paro mopogore.
