Sossion pod oramo ni ok obi weyo telo mar Knut..

Weche medo bedo mapek ne riwruok mar Knut bang’ jagoro Wilson Sossion e tielo machielo ne oramo ni kata nade ok obi weyo bedo e apis kaka jagoro mar duolno.

Kane otwak ji jofwambo e boma ma Nairobi,Sossion oramo ni en e apis ayanga kendo obiro dhi nyime gi chenro mage e kom goro mar Knut.

Magi timore kata obedo ni moko kuom jo knut josebedo kadwaro mondo owuok e komno wira ni ne giseyiero Hesborn Otieno kaka jagoro manyien e yor kojolo.

Sossion ne olero ni oonge gi lweny kod ng’ato ang’ata e knut kendo obiro timo tije kaka pile.

Sossion ne oluongo romo e log tich mar Knut mar ne gwelo jotelo moko mondo okaw kuonde mane odong’ thuolo tok moko kuom jotelo ne dhi e yweyo tok tich.

Sossion ne olero ni en oonge gi lweny kod ng’ato ang’ata  e duol no mar Knut,komedo ni bedo ne e siasa ok nyal mone timo tije e kom goro mar Knut.

Romo ni ne obedo ndalo 1 tok machielo mane onego timre e kind Knut kod TSC e wach medo lemo telo jopuonje ,ne ok obedo tok TSC ne wacho ni koko manie Knut gisani ne ok nyal miyo chenrono ne timre.