nengo mag chiemo medo idho kaluwore kod koth mapek thurka.
Written by Phenny Waga on May 8, 2018
Photo Courtesy.
Kaluwore kod koth mapek mamedo chuer kuonde mopogore opogore thurka, nengo mag chiemo mopogore opogore iwachoni koro medo mana idho malo e chirni buora pachokae.
Koth mabubbni ni oseketho cham epuothe kuonde ma jopur ne opithe ka mwandu buora bende osekethore koriwo nyaka lal mar ngima oganda bende.Jopur yuak ni kothdno en mano mosekelone cham kod pith mopogore tuoche nyaka kute maonge keyo moro malong’o minyalo gen kowuokie puothe.
Komachielo bende en ni koth onogo oseketho apeyni maweg mwandu tiyogo echualo mwandugi echirni mopogore opogore mamiyo chiemo bedo manok ne jo ohala makoro okrom kastomas mangi’ieogi echirnigo.
Wachoreni puothe maromo heka 15,000 mag oduma okethore epachoka ka pinje mag libamba kama otingo Ruanda kod Ethopia bende koth okethoe cham epuothe buora.
Kakoro jopur mopidho chiae bende koro okwa mondo oket okenge makare mar geng’o tuoche manyalo gore kuomgi kaluwore kod ng’ich mar aluora.
