Kwan jok mane pii onego kidek medore..

Chal kagima kwan jogo mane pii onego tok dam mar Patel-Solai-Nakuru ne omuomore otieno manyoro mane okelo lal mar oganda buora to kod mwandu mathoth mabende ne olal e masirano.

Nyaka chop odhiambo manyoro,en ni lipot ne yango ni ji 48 koting’o nyithindo ne owito ngimagi  masira no mane pii oyweroe udi mabuora e aluora no ma Solai.

Oganda buora nyaka chop sani bende pok oyangi ni nikamanade kotenore gi chenro mag manyo oganda go mane pok oyudi.Wachni ne omiyo tend county no,duol mar Red cross,kdf,kod nys ne pod dhi nyime kod manyo oganda mane po oyudi e masirano.

Kane owuoyo ewachno,jatende migap arita Dr Fred Matiang’i,kod jagoro mar migap somo Belio Kipsang’ ne owachoni gitimo chenro mar neno ni oganda mane oyudo midhiero e masirano ibiro miyo gi kony makende.

Bende ote ne ogol ni skund yawuoyi mar Solai ne olor komakore gi luoro ni weceh somo ne nyalo biri chochni tok pii ne muomore nyaka machiegni gi kar somono..

Nyaka sani,en ni nonro koro idwaro tim mar yango kadipo ni dam no ne olosi eyore makare,kama moko kuom lipode bende liekoni  chal kagima chenro mag pur mane jodak makono ne timo machiegni gi dam onogo,wach ma samoro ne nyalo miyo pii ne muomre kamano.

Bende nyaka sani,lipot liekoni chal kagima dam no yane ne osechako bedo gi barrruok kane pok masira no otimore kama ogandago ne owitoe ngimagi.

Jodaka makono wachoni dam no yande ne osenyiso chal mar chwero pii kama iwachoni moko kuom jodak go yande josebedo kangerore ewach no,kata kamano,adiero mar midhiero no ne oneno tok pii ne muomore magikone ne okelo thoo kod lal malicjh kamano..

Jotelo mopogore koting’o manew en Mp machon Koigi Wa Wamwere,olero n onego tim nonro e yango gima dinekel mukruok mar dag pii onogo.