kweth jonjore omonjo od alam mar jo islam e afrika ma milambo.

Photo Courtesy.

Kweth moro maichigo ni gin jonjore maricho otimo monj ne jii adek eod alam mar dind joislam e moskiti moroni Durban mayudore Afrika Mamilambo otieno mapiny orugo kawuono.

Jogi iwachoni omanore gi gige lueny kama oting’o magina kod pendni mabith mane gitiyogo eyang’o kata saro ng’ut jok mane giyudo eod alamno.Bang’e tone giduogo giringo magilal nono ka achiel kuom gi to temo mar yombo mare ne ogore eluanda nimar nomake maonege kanyo kanyo.

Apisa mochung’ne chualo chenro emasirni mabiro apoya makono wachoni achiel kuom jonjorego ne ochikore oko gi dirisa mar kanisano eka bang’e to ochako kuoyo iro ealuorano duto.

Achiel kuom jii adek mane omonji ekanisano ne oduogo owito ngimane eseche mane irigo kode elawo thieth ka mamoko ariyo modong’ maichualonegi chenro mag thieth bende iwachoni ngimagi nie akre keke.

Oganda makono oyango jonjorego kaka mago mawuokie piny mar Misiri ka obila makono tokoro nie apedha mager mar yango kuma jonjorego dine wuogie nimar koyudgi to okang’ mager mar chik idhi kawnegi.