nonro makende iduoroni mondo otim ne yao mar Patel .
Written by Phenny Waga on May 11, 2018
Yao mar Patel mantiere Nakuru Kaunti.Photo Courtesy.
Jata tije maduong’ emigao mochung’ne chike thurka migosi Noordin Haji ogolo chik ne jatend obila migosi Boinet mar timo nonro matut kotenore kod barruok mar Patel Dam maokelo lal buora mag mwandu koriwo nyaka ngima oganda egweng’ ma Solai mayudore Nakuru Kaunti.
Ochiwo thuolo mar ndalo apar gi ang’uuen ne jatend obila Boinet mar chwalo lipot motenore kod masirano maoweyo kajii mahewo 40 owito ngimagi kamamoko buora bende otony kod hinyruok buora eseche ma ringre jomamoko bende olal mapok oyudi ka mwandu buora bende pigno oyuero modhigo.
Oleroni yaogo onge kod obok makare mopuodhi mayiene weggi tiyo kodgi ealuorano ma Solai.E seche ma duol marango kaka ichualo chenro mag pii thurka bende luwoni osebedo ka kwayo migosi Patel mondo mi oneni ong’ado obok mopuodhi ne yaogo mar chiwone thuolo etiyo kodgi koluwore gi chik.
Wach mar tiyogi yaogo maonge obok mopuodhi en gino makoro oweyo oganda kod penjo buora thurka.
