Siem ogol ne oganda man Masinga odar
Written by Rodgers Ogongo on May 16, 2018
Jotend migepe Eugene Wamalwa,Simon Chelugui kod Charles Keter/photo courtesy
Siem makende ne ogol ne oganda ma odak aluora mar Masinga dam mondo odar kendo oyud kuonde jot makare komakore gi luoro mantie ni dam no kidek chako ng’ogo pii komakore gi koth maosebedo ka chwee e pachoka kuom ndalo mokalo.
Ote ni ne ochiw kod jatende migao mar teko Charles Keter,kolero ni ote ni gichiwo mag geng’o lal mar ngima oganda tok dam mar patel ne ng’ogo pii kendo nego oganda maloyo 48 juma mokalo,ka mwandu mathoth bende ne okethore.
Keter ne owachoni ler ma osemigi kod duol mar KenGen yango ni nyaka sani,pii chal ni medore pile e Masinga dam komakore gi koth maosebedo ka chwee pachoka.
Jatelono ne oleroni ranyisi mathoth nyiso ni medruok mar pii osebedo ka ineno e dam no ka luoro nitie ni pii nyalo chako mol kochopo tich 5 jumani.Wachni ne omiyo Keter ojiwo ogandago mondo oyie odar kapok midhierono oneno ne ogandago,kod mwandu mag gi.
