Wach mibadhi Homa-Bay medo kelo paro buora..
Written by Rodgers Ogongo on May 18, 2018
Wach mibadhi e county ma Homa-Bay medo kawo okang’ mopogore kaka ndalo medo dhi
Magi yangore tok jatend migao e county no Carilus Ademba yande oyango ni oganda moko 4 omako governor makono kendo nyodho pesa county no mamono weche dongruok tim e yoo makare.
Kane owuoyo e wachno,mane en jakanyo machon e tend county kendo jafwambo e yor andiko Samwel Owida bende koro owuok oko tung’ moswo kod tend county no mowachoni mibadhi opong’o mokalo.
Owida wachoni oganda moko osebedo kaloko ngima gi matiyo e county no nyiso ayanga kaka pesa county no giyako marach mokalo.
Owida oleroni ok en wachy mawendo maosega wachne Cyprian Awiti eweche mibadhi maok ni kare e tend county no.
Olero ni oganda buora kotung’o nyaka en owuon,josebedo kanyiso Awiti ni weceh ok beyo,to edewo onge ma osegaketi e weche go.Owida bende ochayo Awiti kaka jaasik jo Homa-Bay kuom tamore kedo kod weche mibadhi e county no.
Seyo makamano bende ne oketo e wi duol mar EACC kuom mago mowacho ni onge okang’ mane EACC okawo to ka apisi mag nyiepo kod mar omenda yande owang’ e lwasi maok oyangore e county no kinde mane EACC ne timo nonro eweche ppmenda mag county no ma Homa-Bay.
