Seyo mopogore ochako wuok ewi Duol mar NCPB…

Mana ndalo 2 tok jataa chenro mag NataionalCerials and Produce Board ne gwee tao,paro mopogore be koro osewuok ka jotelo mopogore dwaro mondo tim nonro makare e yango adieri makende e wach lal omenda mathoth e duol onogo.

Jotelo kod jopur sani koro owuok oko ka gidwaro mondo lala mar omenda mane onego chul jopur nyaka yangi komakore gi lal omenda maromo billion 1.9 mar chulo bando mane ogol e pinje maoko,to jopur ne odong’ maok oyudo chudo gi

Paro gi biro tok jagoro e migaono Richard Lesiyampe nyocha otero pacho jokanyo mathoth  komakore gi weceh mobadhi e duolno mar NCPB.

Kane giwuoyo e wachno,jood bura Silas Tiren mar Moiben Kod  Caleb Kositany mar Soy ne owacho ni piny owacho nyaka koro yang jogo mane obedo gi lwedo e lal omenda go mag jopur ma pachoka.

Jotelo openjo gima nyocha omiyo jataa chenrono Newton Terer nyocha ogwe tao kata kapok ne ociwo ler makende komakore gi lal omenda go mag jopur.

Jotelogo owachoni ber mondo Terer ne ochiw ler makende komakore gi lal omendago,kagiwachoni onge gima ne miyo Terer gwe tao kapok ler malong’o ne ochiwo e wach onogo.

Jood bura go wacho ni lal pesa go kidek bedo machal gi mar duol mar ojende NYS makoro e tielo mar 2 ochako oyudore e lwasi marach kod lal mag omenda mabuora.

Kositany bende ne ogolo paro kowachoni ber ka adieri makende yudore ewachno kam ne gisiroe dhi pacho mag jotelogo mag NCPB,kabende ne giwachoni jopur mathoth thurka josebedo kaok yud pesa gi mag cham magi puro kinde ka kinde.