Onge ng’ato ang’ata ma igeto kod tend county ma Kisumu…

Jalup governor ma Kisumu Dr Mathews Owili ogolo ler ni chenro mar ne timo kweno ne jotich e migepe county ni ne en mar yango lony kod nyalo magin go e ting’o malo chenro tich e county ni ma Kisumu.

Dr. Owili olero ni paro no ne en mar konyo bero chenro mag county e yore makare ne bero weche tich maonge chochni moro amora.

Owili olero bende ni paro no ne ok mar geto jogo mabandia e tend county no,to kadipo ni nitie,to gibiro ng’eyo gi tok yudo report mar kwenono.

Jatelono ne okwedo weche moko manyalo wuok ni ageta machielo nyalo bedo ewi jogo mane tiyo e bwo telo mokalo mar governor machon Jack Ranguma.

Olero ni singo mane gigolo kinde siasa ne mar tiyo ne jokisumu duto machalre maonge kweda moro amora ka onyiso jopiny ni kik gibed gi luoro komakore gi wach kweno no.