jo ohala matiyo kod yiende ming’ado ebunge yuago lal magiyudo.
Written by Phenny Waga on June 1, 2018
Photo Courtesy.
Riwruok mag weg jotim ohala mag yien mawuokie aluora mag kauntis manie god kenya oringo omako bura edoho mar kwedo chik mayande ne ogol kod piny owacho mag ng’ado yien ebunge mag piny owacho.
E bura mane gichualo enyim doho ma Meru, jo ohalago wachoni gisebedo kagiwito omenda maromo bilionde modhuro nyaka chikno negol tarik 27/2/2018 kod piny owacho.
Bad duol mar Kenya Forest Service ,apisi mar atoni generol gin moko kuom jok modonjnegi eburano.Kata kamano, duolno onge kod teko mar winjo burano.
Doho ochiwo ndalo 21 ne apisi mar joyal buche Kihara mondo orakregodo ne burano maibiro dhi chak winji dwe manyien mar 6 enyim jayal migosi Jairus Ngaa.
