mikai Esther Passaris okwayo sonko mondo oyiere kaka jalupne.
Written by Phenny Waga on June 5, 2018
Photo Courtesy.Nairobi Woman Representative Esther Passaris
Jachung’ wakeini kata Woman Representative ma Nairobi mikai Esther Passaris sani koro onyiso siso mare mar medo kaka jalup gavana ekauntino ma Nairobi .
Passaris okwayo Sonko mondo mi otimne gwelo kaka jalupne etayo komno ekauntino kowachoni oikore mar tiyo kode eyoo makare ne jopiny .Ma obiro mana bang’ kinde machuok kane oyudo migosi Sonko ne oyudo osegwelo okil Miguna Miguna kaka jalupne machal kamane ogore elwanda bang’ okil Miguna wachoni oknosum pache kane itimone gwelo machal kamano.
Oduaroni mondo opogne tije mobiro tiyo emigepe adek kende kaka jalup gavana ma Kauntino.Komno ne odong’ thuolo bang’ migosi Polycarp Igathe ne ogwe tawo kaka jalup gavana ma Nairobi dwe mar achiel mar higani.
Mikai Passaris wachoni enkod adier ni onyalo konyo Sonko chualo chenro mag dongruok ekauntino ahinya to kaluwore kod mosruok mane obedoe kind ker Uhuru Kenyatta kod ogai mar NASA moluor Raila Odinga mowachoni sani koro oseketo winjruok obedo makare ekind kweth makwedo tokod piny owacho mathurka.
