Chenro mar bura ma awiye dhi nyime kawuono ni e doho Nairobi..
Written by Rodgers Ogongo on June 6, 2018
Chenro mar winjo buche ma awiye[Pre-trial]timore kawuono ni e doho mar weche mibadhi[Anti-corruption court]Milimani Nairobi tok doho ne tamore chiwo thuolo mar bond ne achije go maloyo 40 ma osebedo e od ang’ech kuom ndalo mokalo komakore gi nonro ma itimo e wach lal mar omendago mag ojende-NYS.
Chief Magistrate Douglas Ogoti ne odagi kwayo mar weyo achijego gi bond koleroni po ni ne inyalo we gi thuolo to ne ginyalo kelo chochni ne weche nonro ma itimo kod arita maotenore gi wach onogo.
Achije go oting’o 24 ne osomnegi ketogi nyocha,kod moko 24 mane osomnegi kethgi juma mokalo,kama oting’o mane en jataa chenro no Richard Ndubai,kod mane en jagoro Lilian Mbogo Omollo.
Magi dutioo timore tok doho no ne golo ote mond ne duol mar jomonwach mondo ne chiw oboke mag buchego ne okinde achijego mane dwaro mondo ging’e kaka inyalo bi taa buchego.
Achije go itero e doho 3 mag weche mibadhi to kata kamano,ibiro winjgi e tielo mopogore.
Doho ne bende ogolo chik mondo obila oyang adieri mar bedo Mikai Lilian Mbogo e od thieth ma Kenyatta bang’ kane ok ochopo e doho nyoro.
