Jatend Migao mar weche omenda e kaunti ma Kisumu nyaka yie gwe tao- MCAs oramo.

Moko kuom MCAs e od bura onogo ma Kisumu

By Jowi Raymond.

Weche chal ka gima dhi bedo maliet e tend sirikand kaunti ma Kisumo mae biro mana e kinde machuok tok od bura ma Kisumu onogo buogo kalo chenro duto mag tend sirkal onogo po nono ni Gavana Ngire Nyong’o ok oriembo e tich jatend migao mar omenda Migosi Nelly Achar.

Kane gitwak kod jofuambo e od bura onogo, tend od bura kotelgi kod jatend kweth mathoth Migosi Kenneth Onyango, ma en ja go oporo Migosi Gad Olima kod MCAs duto e duol achiel ne onyiso ich wang’ margi kaluwore gi kaka jatend Migao onogo osebedo karocho chenro mag loso budget ma orik otii godo gi tend kaunti onogo.

Gibende gibuono mar biro koso puodho chenro duto mag budget ma ibiro chwal e od bura onogo kokalo e tend Migosi Achar po nono ni Ngire Nyong’o biro buono kwayo gi mar teng’o lwet Achar mogo.

Ewi moko kuom ng’ur mane jo od bura ogogo ogolo en mano ma giwacho ni jatend Migao no osebedo kanyiso achaya od burano kendo buono chopo e buche ma oluongo mondo oduok moko kuom penjo ma MCAs go ni go. bende gilero ni osebedo ka otiyo marach kod apise kendo ok oluu okenge duto kaka chik dwaro e loso budget ma orik otaa chenro duto mag dongruok e kauni ma Kisumu.