Obila osingo rido weche arita..
Written by Rodgers Ogongo on June 12, 2018
Jawach mar Obila Charles Owino/file photo
Migao mar obila olero ni giikore mar chiwo arita makare e gwenge mopogore pachoka komakore gi lipode mag monj ma ichano kod alshabaab e giko dwe mar tweyo mar jo Islam.
Kane oloso e wachno,jawach mar obila Charle Owino ne olero ni lipot magiseyudo nyiso ni alshabaab chano monj egwenge kaka Witu,Mpeketoni kod Boni ei Lamu county.
Owino bende lero ni gwenge mag Tana Delta kod North Eastern be idhi ride arita makare e geng’o monj moro amora manyalo wuok kuom kweth no mar njore.
Ne okwayo jodak man e gwenge go mondo oti machiegni gi obila e konyo rido weche arita.
