ong’ad oko orak mar migosi patrick ouya gi gavana ma kisumu ngire nyong’o.
Written by Phenny Waga on June 13, 2018
Photo Courtesy.
Obila odiechieng’ manyoro ne orakore kod achiel kuom jodito eapisi mar gavana ma Kisumu kaunti maen Patrick Ouya matiyo kaka jalo mochung’ne jotich kata chief of staff bang’ buogo kawo ngima gavana ngire Nyongo kod jalupne Mathews Owili.
Kata kamano, obila ne oduogo oweye thuolo mondo wachneno otieki gi apisi mar gavana.Wach makama obiro mana bang’ seche 24 kende tok ka jatelo mochung’ne yore mag planning migosi Richard Odhiambo ne oyudo osendiko dhoge kobila ewi wach mar achaye maotim kod jalo matiyo kaka chief planing ofisa eyor kojolo mikai Magret Ouma.
Meko mar jii ariyogi biro mana bang’ juma achiel kende tok ka gavana ma Kisumu ngire Peter Nyong’o ne oseduoko pacho jodito kata apisas abich matiyo ekauntiyo ekauntino kaluwore kod weche mag mibadhi makwakogi koriwo nyaka bedo kod luor mowinjore.
Kaluwore kod wach migosi Ouyano,moluor ngire Nyong’o ne okawo okang’ mar ng’ado oko orak mare kaka chief of staff ekauntini ma Kisumu kane ochakore odiechieng’ manyoro tarik 12/6/2018 bang’ timo gik moko ataro mar chike matayo tend kauntis.
