doho mamalo ma kisumu owito oko bura mane omak kod gavana machon jack ranguma.
Written by Phenny Waga on June 14, 2018
Gavana ma Kisumu kaunti moluor ngire Peter Anyang’ Nyong’o mobet ebat kor acham.
Doho mamalo ma Kisumu gikone to owito oko bura mane orik omaki kod kod gavana machon migosi Jack Ranguma mane opingogodo yiero mar loch ngire Peter Anyang’ Nyong’o .
Kane ochiwo ng’eto mare, jang’ad bura justice Philip Waki ne oleroni owito oko bura onogo nimar nre oonge kod pek kata neno moromo mane ochual enyimgi kod okinde mag Ranguma kotelnegi kod Migosi Richard Osongo.
Kane oloso bang’ ng’eto mar burano, ngire Nyong’o ne okwayo oganda jo Kisumo mondo mi oriwre kendo oti kanyakla etuech achiel kamane okwanoe moko kuom dongruoge ma tend kauntini ma Kisumu osetimo ne oganda jopiny.
Korkakore, Migosi Jack Ranguma ne oruako ng’etono kata obed mana ni ne osiro chung’ mare kamane kinde mokalo chien ne owachoni ne oyombo eyiero maduong ‘ mokalo.Ne oyie mar chiwone ngire Nyong’o lwasi makare mar chualo tijene kaka ne orik osechik kod doho.
Kakoro okinde mane jotelone Nyong’o eburanieri kotelnegi kod seneta ma Siaya okil James Orengo bende ne opuoyo mokalo ng’eto makamano.
