kwan jok ma owito ngimagi gikomba emasira mar mach ochopo 15.
Written by Phenny Waga on June 28, 2018

Photo Courtesy.
Kwan mag jok ma oyangi ni osewito ngimagi emasira mar mach mane omuoch ekar ohala ma Gikomba eboma ma Nairobi okinyi makawuono osechopo jii 15 bang’ ringre jomamoko ne oyudi onyango masani.
Regional kamisiona ma Nairobi migosi Kangethe Thuku owachoni jii ochikogo ne nie kweth jomane oting’o mwandu kinde mane gitero mar rego mwandugo ekinde masirano mane ochakore saa aboro mar otieno.
Kaluwore kod lupot mane ochual kod migao mar joka st Johns Ambulance en ni jii mamoko ne oring godo eod thieth ma Kenyatta kagin kod adhonde maricho mag mach.
Kane ochop kar saa ochiko,kweth mag joneg mach mawuok etend kaunty ma Nairobi ne pod dhi nyime kod rakruok gi majno.Thuku omedo leroni majno ne ochakore ekar uso mar chgirono ka nonro bende pod itimo gima dine kel muoch mar majno.