BURA MAR TIYO MARACH KOD APISI OCHAK WINJI EDOHO MA KISUMU

PICHA MAR DOHO. COURTESY

Doho ma Kisumu kawuono nowinjo neno mar bura manomak ne Jakom mar duol mandiko ji e tije e county ma Kisumu Migosi Nahashon Oguya kod jalupne Betty Asuna manochwal e doho
Janeno mokuongo ne en jagoro mar County Dr. Olang’o Onudi manonyiso doho ni neok opuodho chudo moro amora ne duolno kata obedo ni doho kokalo kuom okinde mag migosi Oguya kod mikayi Asuna niano ni gin kod oboke manyiso ni omenda nopuodh kod Migosi Onudi .

Burano mane nitieree enyim jang’ad buche R. Ndombi nowinjo ni Dr. Onudi nosiko ka chocho tije mag duolno kabende nogolgi ei apisgi mayudore milimami kendo tergi social hall, golo jotich mag duolno kod kao nyamburgo ariyo maneduolno tiyogo.

Bende nowachre ni Dr. Onudi nerik ochung e tich gi duolno ka okinde leroni mano emadipo ni kelo nduoko e kind Onudi gi tend duolno, katakamano Onudi nokwedo wachno koluwo ni duolno ongee kod oteku mar gole tich.

Janeno machielo Hesbon Hongo mabende en jagoro mar duolno nowacho nedoho niok ong’eyo gimoro amora kaluore kod chudo mar omenda maneotimre.

Burano kendo idhi winj 05/10/2018 ka joneno mamoko dhi chwalo nenogi.