Duol mar Amnesty International dwaro piny owacho ochul jodak ma Kibera…
Written by Rodgers Ogongo on July 26, 2018
Duol ma kedone ratiro oganda Amnesty International koro dwaro mondo piny owacho ochul oganda jo Kibera mane omuk utegi e wach mar gero apaya e aluora ma Kibera.
Kane giwuoyo e wach no duol no makedone ratiro oganda wacho ni ber ka piny owacho chulo oganda go wira ni yore mane gitayo go chenro no ne ok nikare komakore gi ratiro mag oganda.
Kane gitimo twak nyoro kod jofwambo,duolno koro ochayo piny owacho kuom ne koso yango kuonde mane onego tere oganda go kanepok omuk utegi go.
Esechego,thoth jodak makono ne onyiso mirimbgi kod kaka ne omuk utegi ka onge kony maneomigi kata kuonde maginyalo jotie komakore gi muok utegi go.
Ne giwacho ni ok gidagi gedono to kata kamano da ber kane otime eyo makare kendo da ber ka piny owacho ni oyangone gi kuonde mane onego dargie kanepok chenro no ochakore ka thoth gi ne owachoni kuondego ema gisebedo kagiyudoe yuto margi mapile.
